Testimonia

Publiek archief van verzamelde en verwerkte bronrecords.
Overzicht / tekstblob

Tekstblob

sha256: d8495698ddb0fce870ef5ec45189a5ec26d596f5e20a2ca052163d1c48b2a6ad · 2,644 tekens

REGISTER OF EXETER COLLEGE. 353 pecuniaria mulcta soleant ; quae poena patribus et cognatis ipsorum plus damni quam ipsis commodi inferre videtur ; nos igitur juventutis ipsius bono consulentes et sumptus academicae disciplinae minuere pro viribus cupientes volumus et ordinamus quod in posterum penso aliquo literario, quale Rectori et Officiario visum fuerit, plectantur delinquentes ; pecuniaria mulcta nunquam aut perraro irroganda. Hoc autem pensum ordinarie Dialectices, Philosophiae vel Rhetorices praelectionis quam neglexerint versionem esse ordinamus. Insuper autem quo diligentius incumbant muneribus suis Officiarii atque operam majorem bonis literis et artibus promovendis navent, volumus et ordinamus quod omnes et singuli scholares commensales et battellarii, singulis anni quartis pro spatio quadriennii ab eorum admissione proxime numerandi, nisi forte intra id tempus a Collegio penitus recedant quinque solidos Officiariorum omnium mercedis causa solvant ; ex qua pecunia Sub-rector Decanus et Philosophiae moderator decern denarios singuli accipiant, Rhetorices Praelector unum solidum et denarios duos, Dialectices autem Praelector unum solidum et denarios quatuor. Omnes vero bacchalaurei in Collegio residentes sive scholares sint sive alii et scholares non graduati quadriennio in Academia complete, singulis anni quartis Decano soli conferant duos solidos et sex denarios, remunerandi gratia laboris a Decano exercitationibus eorum impensi. Quoniam autem jus designandi amovendique famulos dicti Collegii, arbitriumque omnium eorum ex statutis Rectoribus sit permissum, unde gravissima incommoda aliquando oriri possunt et jam olim orta fuerunt, quia nonnulli Rectores, reverendum virum Johannem Conybeare S. T. P. antecedentes, quern jure et honoris causa nomi- natim excipimus, contra leges hujus inclyti regni et piam fundatorum nostrorum voluntatem pecunia se suosve ambiri et corrumpi per- mittentes, famulos minus idoneos aut designarunt aut designates continuarunt, nec postea delinquentes vel etiam manifesto scelere deprehensos punire commode et secure potuerunt : Nos, huic incom- mode vel potius crimini remedium sedulo quaerentes, ultro et sponte sua^ proponente consentiente et instante ipso Rectore, volumus et ordinamus quod in omne posterum tempus Coqui Promi et Tonsores sive superiores Sint sive inferiores, cum consensu Rectoris suffragium duplex habentis et septem scholarium ex domi existentibus maxime seniorum, vel majoris partis eorundem designentur. Per Rectorem vero solum peccantes vel minus idonei invent! amoveantur, nunquamm eundem aliumve Collegii locum quacunque de causa nominandi. A a

Alle records · Zoek op deze hash