“Qui, propter homines liberandos ab æternâ morte, homo factus est, et ita ad susceptionem humilitatis nostræ, sine suæ majestatis diminutione inclinans, ut manens quod erat, assumensque quod non erat; veram servi formam, ei formæ, in qua Deo patri est æqualis, adunaret, ut nec inferiorem absumeret glorificatio, nec superiorem minueret assumptio; salvâ enim proprietate utriusque substantiæ, et in unum coëunte personam, suscipitur a majestate humilitas, a virtute infirmitas, a mortalitate æternitas, et ad rependendum nostræ conditionis debitum, natura inviolabilis naturæ est unita passibili,” etc. — Leo. Serm. i. De Nat.