22. An me non timebitis, dicit Jehova? an a facie mea non contremiscetis? Qui posui arenam terminum mari, statutum seculi aeternum, et non praeteribit illud (vel, terminum illud; quidam enim ad proximum referunt, alii ad prius,) et movebunt se et non praevalebunt, et tumultuabuntur (vel, resonabunt) fluctus ejus (istud גליו extendunt ad duo verba,) et non transgredientur ipsum (non transilient, est idem verbum quod paulo ante usurpavit.)