Roberto Burns
QUINTUS HORATIUS FLACCUS
SALUTEM
ET
POETICAM BENEDICTIONEM
OBERTE, Graecis addite vatibus,
Roberte, nostris ! gratus ades choro
Per te sonaturo quod imis
Dis placeat melos et supernis.
Nunc sanction digna silentio
Mirantur Umbrae carmina, non prius
Effusa volgatas per artes
Nee solitis socianda chordis.
Cocytos errans frenat aquas ; Charon
Sistit carinam ; cum volucri rota
Stat prensus Ixion ; recumbit
Sisyphus ab medio labore.
Quin et Prometheus ore novo stupens
Haec mente volvit : Fallor ? an Orphea
Victurus accessit poeta
Voce alia et potiore plectro ?
295