ROBERTO BURNS
En alter et de sanguine Celtico
Vates ! Catullus fert tibi flosculum
»
Utrique carum, cui pepercit
Vi sine praeteriens aratrum.
Te gestit Umber noscere, saucius,
Ut tu Mariae,2 sic vice Cynthiae
Tristi : sed illae, ceu sorores,
Elysiis recreantur auris.
Naso et Tibullus te petit, et lyrae
Cultor Latinae summus in exteris
Oris poetarumque princeps
In proprio Buchananus aevo,
Cui mox recumbes ad latus, Optimi
Hospes Tonantis, vespere caelites
Vocante convivas et Heben
Ad cyathum statuente plenum.
J. P. STEELE.
1The Mountain Daisy (cf. Cat. xi. 22).
2
Highland Mary, the counterpart of the Cynthia of Propertius.
297